A instalación de veladores e bancos completará a nova imaxe de Cruz Gallástegui
Por Redacción
A rúa Cruz Gallástegui presenta unha nova imaxe co código de barras que inclúe o nome da vía a través dun descifrador. Con esta iniciativa, o goberno local busca romper coa verticalidade da rúa e que ofreza a imaxe dun paso de peóns continuo onde os viandantes marcan a velocidade dos vehículos. A carga e descarga, ademais dos servizos poden realizarse en toda a rúa, nos puntos que se atopen baleiros durante as horas de carga e descarga.
Para completar a reforma da rúa queda a instalación dos veladores e do mobiliario urbano. Instalaranse bancos en diversos puntos. Ademais, a concelleira de Promoción Económica Anabel Gulías iniciou conversacións cos comerciantes da rúa para pactar a colocación das terrazas.
Gulías indicou que estes veladores ocuparán as áreas de posible estacionamento na rúa como medida disuasoria para aqueles condutores que teñan intención de aparcar.
Relacionadas:
-
A praza da Estrela, regulada cun límite máximo de 30 veladores
Por Redacción |
-
Satisfacción no Concello polo "alto grao" de cumprimento da normativa de terrazas
Por Alejandro Espiño |
-
Pintan o código de barras da rúa Cruz Gallástegui
Por Redacción |
-
As antigas zonas de aparcadoiro de Cruz Gallástegui, reconvertidas en veladores
Por Natalia Puga |