A Xunta transfire ao Concello de Sanxenxo as beirarrúas da rúa Progreso
Por Oskar Viéitez
O Diario Oficial de Galicia publica este xoves o decreto polo que se aproba a transferencia ao Concello de Sanxenxo das beirarrúas da rúa Progreso, na estrada autonómica PO-308 que comunica Pontevedra con A Lanzada e que atravesa o núcleo urbano de municipio, entre o cruce coa rúa de Madrid e a glorieta de intersección coa PO-504.
A Xunta manterá a titularidade dos carrís de circulación que forman a calzada e das beiravías, sendo competencia do concello o resto do dominio público.
Coa publicación do cambio de titularidade, a consellería de Infraestruturas segue a avanzar na materialización do convenio de colaboración co concello para a remodelación desta rúa que ten un investimento de 2,5 millóns de euros.
A intervención nesta vía mellorará a fluidez do intenso tráfico e incrementará a seguridade, a accesibilidade e a integración urbana da mesma e o seu desfrute polos peóns.
O cambio de titularidade a prol do Concello de Sanxenxo será efectiva dende este venres.
Relacionadas:
-
Os comerciantes están preocupados pola desaparición de prazas de aparcadoiro na rúa Progreso
Por Oskar Viéitez |
-
Sanxenxo quere que a rúa Progreso estea reformada antes do próximo verán
Por Redacción |
-
Feijóo afirma que a humanización da Rúa Progreso contribuirá a consolidar o atractivo turístico de Sanxenxo
Por Oskar Viéitez |
-
O Consello da Xunta autoriza o convenio para a humanización e mellora da rúa Progreso
Por Oskar Viéitez |
-
A reforma da rúa Progreso, acordada entre Concello e Xunta
Por Redacción |