Eduardo Pondal celebrará cunha festa a súa primeira produción de compost
Por Oskar Viéitez
Na tarde do venres 25 de maio, veciños e residentes da rúa Eduardo Pondal están convidados a participar nunha festa que organiza o concello de Pontevedra para celebrar a primeira produción de compost saída dos composteiros comunitarios instalados nesta zona.
A concelleira responsable do plan de compostaxe municipal, Carme da Silva, informou que un dos composteiros comunitarios está pechado producindo compost en todos os seus módulos mentres que o segundo, situado na parte baixa da rúa, xa ten tres módulos cheos e "vai a unha velocidade enorme".
Como "en breve" estará dispoñible o primeiro compost, o goberno local está a organizar unha festa "como agradecemento a todas as persoas que participan" neste proceso, expresamente "aos nenos e ás nenas", dixo a concelleira.
A festa incluirá a plantación de árbores e plantas, ademais de actividades lúdicas relacionadas coa reciclaxe. Aproveitando a ocasión arranxaranse os xardíns onde están situados os composteiros.
Carme da Silva explicou que o 17 de maio celébrase o Día Mundial do Reciclaxe pero a coincidencia co Día das Letras Galegas levou a trasladar a outra data as actividades destinadas a concienciar á sociedade acerca da importancia que ten tratar os refugallos como corresponden, para non contribuír ao cambio climático, e así protexer o medio ambiente.
Relacionadas:
-
A festa da compostaxe en Eduardo Pondal adíase ao 1 de xuño polo mal tempo
Por Oskar Viéitez |
-
Máis de 150 persoas optan aos catro empregos que ofrece Pontevedra coa compostaxe
Por Alejandro Espiño |
-
Haberá una campaña informativa "masiva" para resolver dúbidas sobre a compostaxe
Por Alejandro Espiño |
-
A sobreaportación nos composteiros de Eduardo Pondal obrigará a poñer máis ou pechalos
Por Oskar Viéitez |
-
A protesta contra os novos composteiros que quedou diluída
Por Clara Alonso & Sara López Lago & Anxo Lourido |
-
Os composteiros de Ponte Boleira e Camiño do Ferro, en funcionamento desde mañá
Por Redacción |