A Deputación e Fomento musealizarán os xacementos da Lanzada, Campo Lameiro, O Grove e Cotobade
Por Oskar Viéitez
A Deputación de Pontevedra e o Ministerio de Fomento abordarán nunha reunión fixada para o próximo día 22 de maio os proxectos de musealización, aínda en fase de redacción, dos castros da Lanzada en Sanxenxo, Penalba en Campo Lameiro, Mercado dos Mouros en Valga, Adro Vello no Grove, Alto dos Cubos en Tui e Cruz do Castro en Cotobade.
A administración central ten que definir prazos de adxudicación e execución dos proxectos de musealización xa redactados e impulsar o grupo de xacementos que aínda están pendentes.
Despois de concluír os traballos de consolidación-restauración no xacemento de Monte do Castro en Ribadumia e co inicio das actuacións no Trega e no Facho de Cangas, a Deputación xa executou e finalizou os traballos que lle correspondían conforme ao protocolo subscrito co Ministerio de Fomento para a posta en valor dos xacementos galaico-romanos da provincia.
Polo que respecta ao Ministerio de Fomento, nestes momentos xa están redactados e entregados a Patrimonio os proxectos de musealización para os castros de Toiriz en Silleda, Alobre en Vilagarcía, Subidá en Marín e Iglexa Vella en Valga.
Relacionadas:
-
Varios colectivos de defensa do patrimonio rexeitan a actuación no Castro da Subidá
Por Oskar Viéitez |
-
Luz verde á musealización dos castros da Subidá, en Marín; e Alobre, en Vilagarcía
Por Redacción |
-
A Xunta aposta por declarar Ben de Interese Cultural o xacemento de Adro Vello
Por Redacción |
-
Carmela Silva culpa das "mentiras" do PP ao "ardor guerreiro" do seu portavoz provincial
Por Oskar Viéitez & Cristina Saiz |
-
Pontevedra liderará a promoción na fachada atlántica da 'Ruta das Kassitérides'
Por Redacción |
-
Tres olladas diferentes para o patrimonio arqueolóxico de Galicia
Por Noelia Torres Pintos |
-
Cuntis incrementa as tarefas de mantemento do xacemento de Castrolandín
Por Redacción |