Catro empresas deben xustificar a baixa temeraria nas ofertas para os campos de fútbol de Campañó e Ponte Sampaio
Por Redacción
A mesa de contratación do Concello de Pontevedra acordou solicitar informes a catro empresas que presentaron oferta para construír os campos de herba sintética das parroquias de Campañó e Ponte Sampaio e que se atopan en baixa temeraria.
Segundo informou o Concello, as catro empresas teñen un prazo de tres días para presentar as xustificacións, que afectan aos dous proxectos, tres nun deles e catro no outro.
No caso do proxecto de mellora do campo de Ponte Sampaio, que ten un orzamento de 1.397.120 euros, as empresas que a mesa de contratación considera que incurren en baixa temeraria son Explotacións medioambientais, Ediserpo, e a UTE integrada por E.C.Casas - Imesapi.
No caso do campo de Campañó, que ten un orzamento de licitación de 999.437,36 euros e un prazo de execución de 6 meses, repiten as mesmas tres empresas, Explotacións medioambientais, Ediserpo, e a UTE integrada por E.C.Casas - Imesapi. A maiores, tamén está en baixa temeraria a oferta de Sergonsa.
Relacionadas:
-
Preocupación pola tardanza no inicio das obras de construción do campo de fútbol de Ponte Sampaio
Por Redacción |
-
O Concello confía en que Campañó e Ponte Sampaio teñan campo de fútbol novo a finais de ano
Por Alejandro Espiño |
-
Ás obras dos campos de fútbol de Campañó e Ponte Sampaio sáenlle 21 candidatos
Por Redacción |