Protesta na rúa polo peche de camas estival nos hospitais públicos
Por Redacción
A agrupación Prosagal levou a cabo este mércores unha protesta polas rúas de Pontevedra, desde a praza de España ata o Hospital Provincial, en protesta polo peche de camas previsto para este verán pola xerencia dos hospitais Montecelo, Provincial e do Salnés.
Este colectivo de traballadores liderado por Carolina Iñárrea mostran a súa preocupación polo peche de nove camas en lactantes durante o mes de xuño. En xullo, pecharanse 52 na primeira quincena e 83 desde a segunda ata finais de agosto en áreas como Medicina Interna III, Pneumoloxía, Trauma e Lactantes.
A situación prolongarase durante os meses de setembro e outubro co peche doutras 52 camas, segundo apuntan desde esta agrupación. No Salnés serán 32 as camas que se manteñan pechadas desde xuño ata, alomenos, finais do mes de setembro.
Desde a organización da marcha indícase que o aforro en recursos humanos é a causa que se esconde tras esta medida e culpan ao Sergas de poñer en xogo a saúde da poboación.
Tras a marcha leuse un comunicado reivindicativo reclamando ao conselleiro de Sanidade que sexa sensible cos pacientes e se deixe de privar de camas á poboación.
Pola súa banda, desde a xerencia do Complexo Hospitalario indícase que durante o verán manterase operativo o 89,3% dos recursos asistenciais. Ademais indica que está previsto un plan de continxencia para dotar das camas necesarias en caso excepcional de que o nivel de ocupación supere o 90% durante os próximos meses.
Relacionadas:
-
A área sanitaria garante que este verán manterá abertas o 87% das camas dos hospitais de Pontevedra
Por Redacción |
-
A plataforma SOS Sanidade Pública concéntrase contra a corrupción sanitaria
Por Redacción |
-
Denuncian que un paciente leva dúas semanas en Montecelo á espera dunha resonancia para ser operado
Por Redacción |
-
A xerencia dos hospitais de Pontevedra confirma o peche de 80 camas durante dous meses
Por Redacción |
-
A Xunta de Persoal dos hospitais de Pontevedra inicia as protestas contra o peche de camas no verán
Por Miguel Álvarez Fandiño & Anxo Lourido |
-
Chaman a manifestarse contra o peche de 83 camas previsto para este verán nos hospitais de Pontevedra
Por Alejandro Vila de la Fuente & Anxo Lourido | Creada e actualizada