Un encontro profesional reunirá a máis de 300 veterinarios no Recinto Feiral
O Congreso Vetnoroeste reunirá a máis de 300 veterinarios na cidade de Pontevedra do 14 ao 16 de xuño. O encontro, que inclúe conferencias e obradoiros, terá lugar no Pazo da Cultura e Recinto Feiral.
Pola vía dos feitos, Vetnoroeste fixo de Pontevedra a súa sede permanente. Segundo explicou o presidente do Colexio Oficial de Veterinarios de Pontevedra, Luís Núñez, "as facilidades e colaboración" atopadas na Boa Vila é un factor determinante.
O Colexio de Veterinarios de Pontevedra e o Hospital Referencia Veterinaria Montenegro (Portugal) promoven a cita na que o Concello colabora dun xeito activo desde a primeira edición.
O alcalde de Pontevedra, Miguel Anxo Fernández Lores subliñou a vertente de dinamización económica que traen congresos como Vetnoroeste e en datas que contribúen á desestacionalización da ocupación hoteleira.
A cita incluirá un taller práctico de dermatoloxía sobre probas diagnósticas (animais e microscopio), a cargo de César Yotti no que se fará unha sesión de toma de mostras realizada polos alumnos e exame posterior de mostras de casos reais mediante o emprego de microscopio con proxección en empo real.
Outro dos talleres prácticos programados centrarase na ecografía para gatos, onde o relator Javier Caruncho Méndez ocuparase das principais patoloxías felinas urinarias e dixestivas.
Ademais incluíuse un taller con equipos de oftalmoloxía e animais vivos no que se poderá aprender a explorar un animal con enfermidade ocular, no que Fernando Sanz Herrera desvelará claves e trucos que levarán a conseguir un diagnóstico acertado repasando todo o proceso dun correcto exame ocular.
Relacionadas:
-
RADIO.- Podcans aborda o coidado da saúde e a hixiene das mascotas
Por Redacción |
-
A Garda Civil investiga un veciño de Poio que abandonou unha camada de cans nun contedor de lixo
Por Redacción |
-
Regulan a presenza de gatos nas rúas de Marín a través dunha campaña de esterilización
Por Redacción |
-
O lobo mariño Guardesiña despídese e volve ao mar tras recuperarse na Illa de Arousa
Por Redacción |