O Concello confía en que Campañó e Ponte Sampaio teñan campo de fútbol novo a finais de ano
Por Alejandro Espiño
Os novos campos de fútbol de herba sintética que o Concello impulsa nas parroquias de Campañó e Ponte Sampaio estarán construídos a final de ano. Ese é o calendario que manexa o goberno municipal para ambos os dous equipamentos.
Elsamex construirá o campo de Campañó, segundo aprobou este luns a Xunta de Goberno a proposta da mesa de contratación. Farao por 895.400 euros e terá un prazo de seis meses para executar a obra.
A empresa, ademais, comprométese a realizar melloras nas instalacións e no equipamento con respecto ao proxecto orixinal e manterá o céspede do campo durante cinco anos, en lugar do ano que recollía o prego de contratación.
O campo de Ponte Sampaio, pola súa banda, correrá a cargo de Ediserpo por 1.163.536 euros. A empresa, xunto coa mellora das instalacións e asumir o mantemento do céspede durante cinco anos, tamén deberá facerse cargo da derriba do campo actual. Terán seis meses para executar a obra.
O portavoz do goberno municipal, Raimundo González, explicou que cando Costas desafecte os terreos do actual campo de fútbol, poderase redactar o proxecto para recuperar esta parcela e integrala nos espazos de lecer da contorna da Xunqueira.
ESCOLAS DEPORTIVAS
Ademais, a Xunta de Goberno aprobou as bases e a convocatoria das axudas das escolas deportivas municipais, que permitirá subvencionar as actividades desenvolvidas na tempada que acaba de terminar. Destínanse a este fin 142.000 euros e poderán optar a elas tanto clubs deportivos, como federacións ou as ANPAS.
Relacionadas:
-
Recepción aos arquitectos Santos & Mera tralo seu premio internacional polo campo de fútbol de Campañó
Por Mónica Patxot & María José Pita |
-
O Concello negocia con Costas a cesión de terreos en Ponte Sampaio, Mollabao, Malvar e na contorna do Pavillón
Por Redacción |
-
Comezan as obras para que o novo campo de fútbol de Ponte Sampaio estea listo en febreiro de 2019
Por Anxo Lourido |
-
Preocupación pola tardanza no inicio das obras de construción do campo de fútbol de Ponte Sampaio
Por Redacción |
-
Catro empresas deben xustificar a baixa temeraria nas ofertas para os campos de fútbol de Campañó e Ponte Sampaio
Por Redacción |
-
Ás obras dos campos de fútbol de Campañó e Ponte Sampaio sáenlle 21 candidatos
Por Redacción |
-
Investimentos de máis de 4 millóns de euros para campos de fútbol, reforma de viais e programas para menores
Por Redacción |