Louzán abre a porta á continuidade de ENCE na Ría e Lores cre que é un "auténtico escándalo"
Por Alejandro Espiño
A postura do PP sobre Ence "es la que es", sinalou Rafael Louzán. Pero o presidente da Deputación espera que a empresa "continúe generando riqueza en Pontevedra durante muchos años". Trátase dun cambio de rumbo con respecto á postura pública do Partido Popular que, desde a Xunta, apostaban por un traslado da compañía. "Se han propuesto alternativas que no son viables ni empresarial ni económicamente", dixo.
Durante a rolda de prensa que protagonizou este mércores co presidente de Ence, Juan Luís Arregui, Louzán afirmou que ""hoy se confirma que Ence tiene la mirada puesta en Pontevedra, hay quien lo ve de una manera y quien de otra, pero Ence genera actividad económica, empleo y riqueza en la ciudad, en la comarca y en Galicia y eso es muy importante".
En todo caso, o presidente da Deputación recordou que a Xunta "tendrá la última palabra", pero apuntando que "hay que ser objetivos y ver las cosas con el interés de que sean beneficiosos para Pontevedra". A partir de aí, dixo, "se tomará la decisión que mejor corresponda". Todo iso tras destacar que o papel do PP neste asunto foi "muy digno" porque "fuimos los únicos que propusimos alguna alternativa".
"Ence está trabajando no sólo para generar beneficio económico, sino para mejorar la calidad de vida de sus trabajadores y de todas las personas que vivimos en su entorno", afirmou Rafael Louzán. "Estoy convencido de que cumplirá con las exigencias medioambientales que se recogen en la nueva Ley de Costas", concluíu.
LORES CRE QUE O PP "ACABA DE QUITAR A CARETA"
"Se alguén tiña algunha dúbida de que o PP está porque Ence se quede en Lourizán, acaban de quitar a careta definitivamente"
Estas declaracións de Rafael Louzán non gustaron nada no Concello de Pontevedra. Aínda que segundo Miguel Fernández Lores trátase dunha posición que "non nos sorprenden", afirmou que "se alguén tiña algunha dúbida de que o PP está porque Ence se quede en Lourizán, acaban de quitar a careta definitivamente".
Fernández Lores asegurou que é "un auténtico escándalo" e criticou que desde as filas populares "xoguen así coa opinión pública" cando, dixo, "están tomando medidas lexislativas para garantizar a continuidade de Ence na ría e impedir que os cidadáns poidan disfrutar de toda esa zona".
Ademais, o alcalde pontevedrés denunciou a "hipocresía" do PP con respecto á modificación da Lei de Costas, xa que "non resolven a situación dos núcleos do litoral pero si resolven o de Ence, que é o motivo principal para modificala". Por iso é polo que reiterase que políticamente "é un escándalo en toda a concepción da palabra".
Miguel Fernández Lores sinalou que esta é unha máis de "sarta de mentiras" do PP e cre que co dito por Louzán "se quitan a careta e apostan definitivamente porque Ence quede na Ría de Pontevedra, cando nós cremos que eses terreos deben ser para outras cousas". En todo caso, afirmou que a solución será "seguir loitando ata conseguilo".
Relacionadas:
-
Mosquera: "ENCE ten perfectamente claro quen son os que se opoñen a súa pretensión de gañar moitos máis cartos continuando aí"
Por Redacción |
-
Feijóo vincula a permanencia de ENCE a ver "que oferta e que melloras económicas está disposta a facer"
Por Redacción |
-
Louzán: "Estamos en condicións de desperdiciar os postos de traballo de ENCE? Eu sinceiramente creo que non"
Por Alejandro Espiño |
-
Juan Luis Arregui, presidente de ENCE: "Trabajamos para que en 2016, todos nos pidan que sigamos en Pontevedra"
Por Alejandro Espiño |