100.000 euros para reparar o camiño de acceso á ermida da Lanzada
Por Redacción
O Goberno destinará 100.000 euros á reparación do camiño de acceso á ermida da Lanzada. Así o anunciou a portavoz do executivo, Isabel Celaá, tras a reunión do consello de ministros celebrado este venres.
O investimento realizarase a petición da Dirección Xeral de Sustentabilidade da Costa do Mar do Ministerio de Transición Ecolóxica.
Os traballos iniciáronse en maio, por procedemento de emerxencia, para devolver canto antes ao seu estado o noiro que sustenta o camiño ao recinto da capela, a torre e a necrópole da Lanzada.
Todo iso tras os desprendementos de terras que produciron unha focha importante no noiro, con caída de restos cara á praia, que afectaron o trazado do camiño de acceso tanto ao recinto da capela, como á torre e necrópole da Lanzada
As obras concluirán cando se comprobe a estabilidade do noiro, xa que o obxectivo das reparacións é garantir a seguridade de quen accede á zona.
Relacionadas:
-
Compromiso da Xunta para mellorar a ermida de Nosa Señora da Lanzada con 50.000 euros
Por Redacción |
-
Terminan a reparación do noiro de acceso á capela da Lanzada
Por Redacción |
-
Sanxenxo quere crear 15 quilómetros de novas sendas costeiras entre as rías de Pontevedra e Arousa
Por Redacción |
-
Eliminan 27 postes da luz que afean a paisaxe entre as praias de Pragueira e A Lanzada
Por Redacción |