Preocupación pola tardanza no inicio das obras de construción do campo de fútbol de Ponte Sampaio
Por Redacción
Ramón Agulla, en nome da xunta directiva da asociación de veciños Héroes de Ponte Sampaio, mostra a súa preocupación polo atraso no inicio das obras de construción do novo campo de fútbol previsto para a parroquia pontevedresa. Desde este colectivo enténdese que xa deberían estar a se executar os traballos durante os meses de vacacións escolares. A asociación teme os problemas que poida ocasionar a obra que se realizará a poucos metros do centro educativo afectando a toda a comunidade escolar.
Por este motivo, Héroes de Ponte Sampaio cre que estes dous meses e medio de vacacións lectivas serían oportunos para realizar as obras de explanación e construción de muros, ademais de todas aquelas que requiran o uso de maquinaria pesada. Consideran que as obras durante o curso provocarán ruídos e converterán as clases nun "caos".
A directiva da asociación alerta de que o Concello de Pontevedra anunciara que o campo estaría listo para o inicio da próxima tempada. Ramón Agulla tamén reclama ao goberno local que as obras de calado na parroquia deben ser expostas en Ponte Sampaio para que os veciños poidan participar e ofrecer o seu punto de vista, unha circunstancia que, segundo denuncian, non se está producindo durante os últimos anos.
Relacionadas:
-
Ediserpo renuncia a tres obras, entre elas o campo de fútbol de Ponte Sampaio
Por Alejandro Espiño |
-
Ediserpo ten de prazo dúas semanas para retomar as obras do campo de fútbol de Ponte Sampaio
Por Alejandro Espiño |
-
Comezan as obras para que o novo campo de fútbol de Ponte Sampaio estea listo en febreiro de 2019
Por Anxo Lourido |
-
O Concello confía en que Campañó e Ponte Sampaio teñan campo de fútbol novo a finais de ano
Por Alejandro Espiño |
-
Catro empresas deben xustificar a baixa temeraria nas ofertas para os campos de fútbol de Campañó e Ponte Sampaio
Por Redacción |
-
A construción do novo campo de fútbol de Ponte Sampaio permitirá recuperar unha zona de ribeira
Por Redacción |