"Lozano déjanos pagar con tarjeta"
Por Oskar Viéitez
Ás dez da mañá deste luns abriron os despachos de billetes da Praza de Touros de Pontevedra para iniciar a venda de entradas soltas para a feira taurina. Medio centenar de afeccionados facían cola desde unha hora antes para adquirir os seus billetes cunha queixa que se repetía entre todos eles: a imposibilidade de pagar con cartón.
"Lozano déjanos pagar con tarjeta", é a mensaxe que un afeccionado quixo mandar a través de PontevedraViva ao empresario titular do Coso de San Roque para que compre un datáfono e modernice os despachos de billetes.
Mantéñense os prezos do ano pasado que, no caso de sol, oscilan entre os 40 e os 65 euros por corrida e entre 50 e 80 euros para os asentos de sol e sombra. En canto ás de sombra, os prezos varían entre os 55 dos tendidos altos aos 110 da barreira.
Ademais, hai tarifas especiais para os xubilados -40 euros-, os desempregados -25- e os menores de 18 anos, quince euros -trinta se se saca o abono das tres feiras-.
A pasada semana foi a quenda da venda de abonos, á que acoden afeccionados de toda Galicia.
Os horarios de despacho de billetes son de 10 a 13.30 e de 17 a 20 horas, incluídos os festivos.
Relacionadas:
-
Abren os despachos de billetes da praza de touros, coa novidade do abono novo ata os 24 anos
Por Redacción |
-
Eduardo Lozano: "A mellor resposta a este movemento animalista é seguir acudindo aos touros"
Por Marisa Ciordia |
-
Os triunfadores de San Isidro tamén estarán na Feira Taurina da Peregrina
Por Marisa Ciordia | Creada e actualizada
-
A Feira Taurina da Peregrina comezará o 5 de agosto coa nova Lei de Espectáculos de Galicia en vigor
Por Marisa Ciordia |