A demolición do vello cuartel da Garda Civil comezará en agosto
Por Alejandro Espiño
Os traballos de demolición da antiga comandancia da Garda Civil en Pontevedra, situada entre Loureiro Crespo e Casimiro Gómez, comezarán en agosto. Así figura no proxecto presentado pola promotora desta actuación ante o Concello.
O alcalde, Miguel Anxo Fernández Lores, confirmou que a empresa DomusVi, que converterá estas instalacións nunha residencia da terceira idade, "teñen o máximo interese en avanzar".
A este respecto, explicou que desde o Concello están axilizando a tramitación da licenza ao entender que se trata dun centro que xerará actividade económica na cidade.
Os técnicos da empresa que comprou o solar están en permanente contacto cos técnicos municipais para abordar as distintas fases do proxecto
O novo edificio sociosanitario de Casimiro Gómez daralle "outra prestancia" á rúa, segundo Fernández Lores, e permitirá "dignificar" esta zona da cidade, xunto coa reforma urbana que se está realizar na zona.
O Concello vén de concluír os traballos de acondicionamento do novo cruzamento coa rúa da Seca e a nova zona verde do Camiño Vello de Castela.
Relacionadas:
-
O xeriátrico de Loureiro Crespo obtén a licenza de obra
Por Oskar Viéitez |
-
O vello cuartel da Garda Civil será historia nun prazo máximo de seis meses
Por Alejandro Espiño |
-
O Concello reformará en 2019 o treito central de Fernando Olmedo
Por Redacción |
-
DomusVi ultima o plan de derriba do vello cuartel da Garda Civil
Por Oskar Viéitez |
-
Así será a residencia que se construirá na antiga comandancia da Garda Civil
Por Oskar Viéitez |