Recorren as adxudicacións do servizo da auga e das piscinas de Campolongo
Por Oskar Viéitez
O portavoz do goberno municipal de Pontevedra, Raimundo González, informou este venres que dúas empresas recorreron as adxudicacións do servizo municipal da auga e das piscinas de Campolongo.
No caso do as piscinas de Campolongo o recurso ante o Tribunal de Contratación Pública de Galicia interpúxoo a firma Carpa Servizos e Conservación, unha das empresas que non cumpriu os requisitos esixidos no prego de condicións do concurso público e quedou excluída por parte dos técnicos municipais.
O recurso administrativo suspende preventivamente o proceso durante un prazo de dous meses ata que o citado tribunal pronúnciese sobre a reclamación presentada.
Raimundo González dixo que "neste momento", aínda que xa estea todo en marcha, "estamos á espera do que decida ese tribunal para poder adxudicar definitivamente".
O concurso fora gañado pola empresa Serviocio que xestionaría as piscinas ata o ano 2038 investindo 4,6 millóns na súa modernización.
Se o tribunal falla a favor da empresa reclamante o Concello podería recorrer ao Contencioso-Administrativo.
O concelleiro nacionalista restou importancia a este recurso afirmando que "habitualmente" as empresas acoden a esta vía "porque non ten custo económico".
No caso do concurso do servizo de abastecemento de auga de Pontevedra tamén foi recorrido neste mesmo tribunal pero "non se nos notificou a suspensión". O goberno local tivo coñecemento deste contratempo este mesmo venres e non saben se se ordenará a paralización.
Relacionadas:
-
As piscinas de Campolongo pecharán o "menor tempo posible" para a súa reforma
Por Alejandro Espiño |
-
O novo contrato das piscinas de Campolongo, sen trabas administrativas
Por Alejandro Espiño |
-
Os procesos administrativos provocarán que a reforma das piscinas de Campolongo agarde a 2019
Por Anxo Lourido |
-
O contrato da auga, paralizado polo recurso presentado por unha empresa
Por Alejandro Espiño |
-
Serviocio seguirá á fronte das piscinas de Campolongo os próximos vinte anos
Por Alejandro Espiño |
-
Fernández Lores: "En tres ou cinco anos vaise pegar un avance bestial tanto ao saneamento como ao subministro deste municipio"
Por Oskar Viéitez |
-
Pontevedra adxudicará a Viaqua o contrato da auga para os próximos 20 anos
Por Oskar Viéitez |