Nas festas "non te pases nin un pelo, tío"
Por Alejandro Espiño
Non te pases nin un pelo, tío.
Se queres ligar empeza por respectar
Se ves algo raro chama, as festas son para tod@s
Se alguén o pasa mal, non é unha festa
Son só algúns dos lemas que se inclúen na campaña contra a violencia sexual que porá en marcha o Concello de Pontevedra de cara as festas. O obxectivo é concienciar á cidadanía e que calquera recorra aos teléfonos 091, 092 ou 112 se é vítima ou testemuña dalgún episodio de acoso ou abuso sexual.
A campaña, ademais, inclúe un chamado específico para non permitir abusos na comunidade LGTBI, baixo o lema Gústeche quen che guste, a nós gústasnos ti.
Lonas penduradas en distintos puntos da cidade e unha maior presenza policial no Concello, no edificio administrativo de Michelena -preto do centro neurálxico das festas- completan esta campaña de información. Haberá, ademais, máis policías nas rúas e prazas da cidade.
A campaña, segundo explica a concelleira de Igualdade, Carmen Fouces, busca apelar á cohesión social e implicar a todas as persoas que gozan das festas para que denuncien aqueles casos de acoso ou agresión sexual que poidan ver ou sufrir.
Fouces destaca que é importante "desenmascarar" aos agresores sexuais que non só actúan nas festas, se non ao longo de todo o ano e por iso a denuncia e rexeitamento debe manterse nas festas e en todo momento.
Ante unha situación delictiva, engadiu, a quen hai que recorrer é a Policía pois "sabe o que hai que facer". A Policía Local conta con profesionais que "saben atender" este tipo de agresións e ten unha unidade dedicada en exclusiva a protexer ás vítimas da violencia machista. Os axentes teñen instrucións para que estean atentos a casos de acoso e agresións sexuais.
Relacionadas:
-
Ponte Caldelas dá comezo ás Festas das Dores rexeitando calquera expresión de violencia machista
Por Redacción |
-
En Poio, se non é SI, tamén é NON
Por Oskar Viéitez |
-
Detido un home de 33 anos por un presunto delito de violencia de xénero
Por Oskar Viéitez |
-
A subdelegada do Goberno insta aos concellos a poñer en marcha os "puntos morados" en festas e eventos
Por Redacción |
-
Chegan as Festas de Verán, tres meses de actividades "case a diario"
Por Alejandro Espiño |