A montaxe de atraccións e do escenario en Praza de España, preludio das festas
Por Redacción
Pontevedra conta xa as horas para o inicio das Festas da Peregrina. Non será ata o vindeiro sábado cando o pregón dea o pistoletazo de saída á Semana Granda de celebracións, pero estas empezan a deixarse notar no centro da cidade.
Especialmente evidente faise esta circunstancia na contorna da Alameda, centro neurálxico das festas.
Alí empezáronse a instalar desde primeiras horas deste mércores as barracas e atraccións, repartidas entre as rúas Alameda, Montero Ríos e Raíña Vitoria, coas consecuentes restricións de tráfico na zona.
Ademais empezouse a levantar o gran escenario que albergará as actuacións musicais da Praza de España.
VALOS DE SINALIZACIÓN
A Policía Local pide respecto aos valos de sinalización na contorna de Raíña Vitoria e da Alameda que informan das restricións e cortes de circulación, e avisa que modificar, alterar, ocultar ou retirar estas sinais pode supoñer unha multa de ata 3.000 euros.
Ademais os condutores que sexan detectados pasando por unha zona prohibida á circulación expoñeranse a unha multa de 200 euros.
Relacionadas:
-
As atraccións das festas da Peregrina sométense a exame
Por Redacción |
-
Pechan ao tráfico as rúas Raíña Vitoria e Alameda para instalar as barracas das festas
Por Redacción |
-
Chegan as Festas de Verán, tres meses de actividades "case a diario"
Por Alejandro Espiño |
-
Rosendo, Bunbury, Antonio José, Carlos Sadness ou Mocedades estarán nas Festas da Peregrina
Por Alejandro Espiño |