A remozada carroza procesional da Peregrina xa loce pola cidade
Por Paula Sanmartín & Anxo Lourido
Durante os últimos días desta semana, ás portas do santuario da Peregrina podíase ver a restaurada carroza da Virxe, que pertence á confraría desta igrexa. Este sábado, ás 13.15 horas, como é tradición, a carroza realizaba o percorrido procesional desde a praza de España ata o santuario onde se soltan as pombas e preséntase a ofrenda floral.
Nesta ocasión, o presidente da asociación de Amigos do Camiño Portugués a Santiago, Tino Lores, foi o encargado de realizar esta ofrenda con motivo da celebración das vodas de prata deste colectivo. Un menor vestido de arcanxo e cinco nenas con traxes de peregrinas desfilaban nesta carroza, que era desprazada por outros doce menores.
O acto é o preámbulo á ofrenda que este domingo levará a cabo a deputada provincial de Cohesión Social e Xuventude, Digna Rivas, a partir das 12.00 horas do mediodía. A celebración relixiosa será oficiada por Julián Barrio, o arcebispo de Santiago de Compostela.
Relacionadas:
-
E a choiva deu tregua á patroa da provincia
Por Redacción |
-
Ofrenda de Digna Rivas á Virxe Peregrina coa presenza de Ana Pastor
Por Redacción & Diego Torrado |
-
Espectáculo pirotécnico para poñer o broche de ouro ao primeiro día de festas 2018
Por Redacción & Diego Torrado |
-
Axentes da Policía Local escollen o acto de lectura do pregón das Festas para exteriorizar o malestar co goberno local
Por Paula Sanmartín & Anxo Lourido |