A Festa do Mar faise maior de idade
Por Diego Espiño
Combarro prepárase para vivir cinco días de celebración coa XVIII Festa do Mar, que converterá a localidade nun polo de atracción de visitantes.
Este evento, que mestura tradición marítima, gastronomía e música, celebrarase do 22 ao 26 de agosto cun "programa ambicioso", sinalou o concelleiro de Festas de Poio, José Luis Martínez.
No mesmo terán protagonismo especial os tres eixos fundamentais da Festa do Mar desde o seu nacemento, como son o encontro de embarcacións tradicionais, a degustación gastronómica e os eventos musicais.
A décima edición do Aramdiña Rock encabezará a proposta musical, principalmente o venres 24 e o sábado 25 de agosto, pero tamén se subirán ao escenario da Praza da Chousa a cantante Amaia Montero o xoves 23 e a Orquestra La Fórmula, o domingo día 26.
En canto ao encontro de embarcacións, o venres comezarán a chegar a Combarro os barcos participantes sendo o día forte o sábado 25 con dúas regatas na ría de Pontevedra, unha de vela e outra de embarcacións a remo.
Por último a carpa de degustación gastronómica espera recibir un gran número de asistentes, con apertura cada unha das xornadas ás 13:00 horas en horario de mediodía e ás 19:00 horas da tarde-noite.
Ademais, coincidindo coa súa maioría de idade, o Concello de Poio anunciou que cursará ante a Xunta a petición correspondente para que a Festa do Mar sexa declarada de Interese Turístico de Galicia.
ORZAMENTO
Na presentación do evento, o concelleiro de Festas fixou o orzamento da Festa do Mar en aproximadamente 170.000 euros cuns gastos previstos que "o ano pasado foron case iguais", asegurando que boa parte deste investimento recupérase con ingresos propios como a venda de produtos na carpa gastronómica ou mediante subvencións doutras administracións.
APARCADOIRO E SEGURIDADE
Durante as cinco xornadas de celebración activarase en Combarro un dispositivo especial de seguridade, en especial nos momentos previstos de maior afluencia de público, no que participarán efectivos de Policía Local, Protección Civil e Garda Civil, ademais de persoal de emerxencias sanitarias.
Neste aspecto desde o goberno local incidiron no recomendable de utilizar os aparcadoiros disuasorios que se habilitarán na zona da Seca, onde se utilizará a parcela do instituto e mesmo leiras particulares, e tamén nos arredores do cemiterio en Chancelas.
Relacionadas:
-
Últimas horas da fin de semana na que Poio máis sabe a mar
Por Diego Torrado & Redacción |
-
O Mar xa está de festa en Combarro
Por Oskar Viéitez |
-
En Poio, se non é SI, tamén é NON
Por Oskar Viéitez |
-
O PP pide un operativo especial de tráfico para a Festa do Mar
Por Redacción |
-
Por unha Festa do Mar sen machismo nin botellón
Por Redacción |
-
Dez anos de Armadiña Rock que poñen a Combarro como "punto de referencia cultural"
Por Diego Espiño |
-
A Festa do Mar de Combarro incluirá un festival infantil
Por Oskar Viéitez |
-
Andy y Lucas actuarán en Campelo e Amaia Montero en Combarro
Por Oskar Viéitez |
-
A Festa do Mar, do 22 ao 26 de agosto; a Festa da Ameixa, 15 e 16 de setembro
Por Redacción |