A Brilat pecha a operación 'Centinela Gallego' cun 88% menos de lumes
Por Redacción
A operación 'Centinela Gallego' chegou o pasado sábado 15 de setembro ao seu fin tras dous meses de colaboración das Forzas Armadas coas autoridades galegas na loita contra incendios forestais.
Desde que comezase o 15 de xullo, as Forzas Armadas contribuíron a que en 2018 a operación arroxe un balance positivo, con 450.000 quilómetros de patrulla –o que supón uns 200 quilómetros en coche cada día– e máis de medio cento de voos con sistemas de avión non tripulado.
Segundo datos da Consellería do Medio Rural, a extensión de monte afectado polo lume en Galicia reduciuse nun 88%.
'Centinela Gallego' contou este ano coa participación de máis de 500 militares do Exército de Terra, en concreto da Brigada Galicia VII, procedentes das súas tres sedes en Asturias, Pontevedra e Valladolid, ademais de efectivos da Armada pertencentes ao Terzo Norte de Infantería de Mariña, con sede en Ferrol.
Estas unidades, que cubriron parte de tres das catro provincias galegas, estiveron baixo o mando táctico do xefe da Brigada Galicia VII, o xeneral Antonio Losada
Durante estes dous meses as patrullas das Forzas Armadas trasladaron aos organismos implicados na loita contra incendios medio cento de avisos sobre incendios, conatos, queimas de restrollo e presenza de persoas sospeitosas e de material incendiario.
Relacionadas:
-
Todos os ollos son poucos para loitar contra o lume: así funciona a célula de seguimento da Centinela Gallego
Por Natalia Puga & Mónica Patxot |
-
A Brilat lánzase ao monte esta semana para sumarse á campaña contra os incendios
Por Natalia Puga |
-
Medio Rural atrasa este ano a presenza de militares nos montes na campaña de prevención de incendios
Por Natalia Puga |
-
Defensa recruta en Pontevedra a 54 aspirantes militar profesional
Por Redacción |
-
O Goberno destaca o papel "fundamental" que terá a Brilat no Líbano
Por Redacción |
-
Balance positivo, ata o momento, da 'Operación Centinela'
Por Redacción |
-
A Brilat volve ao monte contra os incendios: "Intentamos aportar nuestro granito de arena para que Galicia no sufra esa lacra"
Por Natalia Puga & Mónica Patxot |