Rafa Domínguez aposta por "novas ideas" en turismo e por potenciar o Camiño Portugués
Por Redacción
O portavoz do PP en Pontevedra, Rafa Domínguez, avanzou este martes que apostará por "ideas novas" para mellorar a política turística do municipio de Pontevedra, entre as cales se atopa potenciar o Camiño Portugués.
Domínguez entende que esta ruta de peregrinación é "un dos nosos grandes aliados" á hora de potenciar o turismo en Pontevedra "e non se está aproveitando o suficiente" por parte do goberno municipal.
Os populares, acompañados por representantes da asociación Amigos do Camiño Portugués, percorrerán este domingo o tramo que discorre por Pontevedra para comprobar o estado no que se atopa o traxecto, "o que nos permitirá coñecer as súas deficiencias e tamén aqueles puntos interesantes que debamos potenciar", segundo o líder do PP.
O percorrido iniciarase na parroquia de Ponte Sampaio, desde a antiga ponte romana, e transcorrerá por Tomeza, centro de Pontevedra, parroquia de Alba, para finalizar en Cerponzóns.
Rafa Domínguez explica que desde o Concello débese apoiar o Camiño Portugués impulsando puntos de interese ao longo do traxecto, mellorando as zonas polas que transcorren os peregrinos e "propoñendo iniciativas".
Relacionadas:
-
Denuncian danos no Camiño Portugués en Barro
Por Oskar Viéitez |
-
O PP referenda a Rafa Domínguez como o seu candidato nas municipais de 2019
Por Redacción |
-
O PP de Pontevedra considera que o Camiño é unha oportunidade económica que pode xerar emprego
Por Oskar Viéitez |
-
Rafa Domínguez ve "prioritario" que Pontevedra teña un novo PXOM
Por Redacción |
-
Os peregrinos do Camiño Portugués seguen á alza: aumentaron un 15% no primeiro semestre
Por Natalia Puga |