Sanxenxo quere que a rúa Progreso estea reformada antes do próximo verán
Por Redacción
O goberno municipal de Sanxenxo está a ultimar os detalles para sacar a licitación a reforma integral da rúa Progreso. Trátase do proxecto co importe máis alto dos que adxudicará o Concello nesta lexislatura, cun total de 2,5 millóns de euros.
O 70% do custo, 1.804.174 euros, será achegado pola Xunta de Galicia, mentres que o 30% restante asumirao o Concello de Sanxenxo.
O prazo de execución das obras é de 12 meses, pero o goberno asegura que fará "todo o posible" para reducir este prazo, de forma que ao comezo do próximo verán a rúa estea rematada.
O Concello tentará, ademais, que as obras xeren os menos inconvenientes posibles para os comerciantes e os veciños.
A reforma abarca 1.280 metros que van desde a confluencia entre a rúa Progreso e a avenida de Madrid ata a rotonda de Arnelas.
O obxectivo principal do proxecto é a reordenación dos espazos para vehículos e peóns, o que levase a creación de dúas novas rotondas que permitirán axilizar o tráfico nas cruces máis conflitivos da rúa e a mellora das beirarrúas, que pasarán a ter como mínimo un ancho de 1,8 metros.
Outras melloras previstas na reforma son a substitución e a nova canalización de todos os servizos, luz, auga, saneamento e telefonía e a dotación de novo mobiliario como bancos, papeleiras, sinais e farois.
Relacionadas:
-
COVSA garante que non será necesario cortar os dous carrís na rúa Progreso
Por Redacción |
-
A reforma da rúa Progreso interesa a catorce empresas
Por Redacción |
-
Os comerciantes están preocupados pola desaparición de prazas de aparcadoiro na rúa Progreso
Por Oskar Viéitez |
-
A reforma da rúa Progreso será por fases para reducir as molestias
Por Redacción |
-
A Xunta transfire ao Concello de Sanxenxo as beirarrúas da rúa Progreso
Por Oskar Viéitez |
-
Feijóo afirma que a humanización da Rúa Progreso contribuirá a consolidar o atractivo turístico de Sanxenxo
Por Oskar Viéitez |
-
O Consello da Xunta autoriza o convenio para a humanización e mellora da rúa Progreso
Por Oskar Viéitez |
-
A reforma da rúa Progreso, acordada entre Concello e Xunta
Por Redacción |