A Deputación convoca unha concentración contra os ataques machistas
Por Oskar Viéitez
O servizo de Igualdade da Deputación de Pontevedra convocou para este próximo mércores unha concentración de condena de todo tipo de comportamentos e ataques machistas ás mulleres, especialmente do machismo institucional dos cargos públicos.
Baixo o lema de "Machismo institucional. Nin un minuto máis", a concentración xurde en repulsa aos últimos insultos machistas do alcalde de Vilanova de Arousa, Gonzalo Durán, e para reclamar o "cesamento inmediato de calquera comportamento relacionado coas violencias machistas e coas distintas formas de discriminación e violencia que sufrimos as mulleres".
A protesta terá lugar este mércores as 20.00 horas no encontro da rúa Daniel de la Sota coa rúa Peregrina, na cidade de Pontevedra.
Nun comunicado difundido pola administración provincial infórmase que esta concentración, á que se convoca a toda a cidadanía, enmárcase nas "habituais convocatorias" da Área de Igualdade da institución provincial, "desde a chegada deste goberno á Deputación de Pontevedra", como "protesta e en resposta a cada comportamento machista e de ataque ás mulleres polo feito de selo".
Relacionadas:
-
Masiva concentración contra os comportamentos e ataques machistas
Por Redacción & Mónica Patxot |
-
O goberno da Deputación demanda a Gonzalo Durán por incitación ao odio e pide a súa dimisión como alcalde
Por Anxo Lourido |
-
En Marea e BNG únense ás peticións de dimisión do alcalde de Vilanova
Por Diego Espiño |
-
Carmela Silva, farta "de que se nos ataque polo simple feito de ser mulleres"
Por Diego Espiño |
-
VÍDEO.- Piden a dimisión do alcalde de Vilanova tras chamar "chacha para todo" á presidenta da Deputación
Por Diego Espiño |