Comezan as obras de construción da nova residencia de Cerdedo
Por Redacción
O Consorcio Galego de Igualdade e Benestar vai comezar a vindeira semana as obras de construción da nova residencia da terceira idade de Cerdedo.
O novo xeriátrico público, que contará con 48 prazas e disporá a posibilidade de que o Concello reserve algunha para a atención aos veciños que a poidan precisar, foi adxudicado á empresa Ogmios Proyecto e ten un orzamento de 1,7 millóns de euros cun prazo de execución de doce meses, polo que se agarda que estea en funcionamento a comezos de 2020.
A obra foi contratada por 1,45 millóns de euros, polo que a Xunta ten previsto adicar os 250.000 euros da baixa ás direccións de obra, estudos, equipamentos e dotación de mobiliario, completando así a partida destinada a este novo xeriátrico.
A futura residencia disporá de 24 habitacións dobres en dúas prantas e numerosos espazos comúns e de servizos e edificarase en dúas parcelas lindeiras ao actual centro de maiores, unha das cales xa era propiedade do consorcio e outra foi conseguida polo Concello e posteriormente posta a disposición da Xunta.
Unha vez rematada esta importante actuación, a actual residencia reconverterase exclusivamente en centro de día cunha oferta de trinta prazas, o que permitirá completar a modernización da rede xeriátrica da localidade con 78 prazas nas dúas modalidades: residentes e atención diurna.
Relacionadas:
-
Cubela confía en que o novo xeriátrico de Cerdedo estea en funcionamento a finais de 2020
Por Redacción |
-
Cerdedo estreará a súa nova residencia de maiores nun prazo de 18 meses
Por Redacción |
-
As obras de ampliación da residencia de Cerdedo comezarán en setembro
Por Redacción |
-
O Concello avanza na tramitación do plan especial para a construción da residencia de Carballedo
Por Redacción |