Eduardo Pondal manterá os tres carrís tras a ampliación dunha das súas beirarrúas
Por Alejandro Espiño
O goberno municipal garantiu este luns que o tramo da rúa Eduardo Pondal en obras, entre Filgueira Valverde e Uxío Novoneyra, manterá os seus tres carrís de circulación cando terminen os traballos para ampliar unha das súas beirarrúas.
Ante as críticas do PSdeG-PSOE, que denunciaba que esta obra supoñía a supresión do aparcadoiro e dun carril na marxe dereita, en sentido entrada á cidade, o concelleiro de Mobilidade, Demetrio Gómez, negou que esta situación sexa permanente.
"Hai que ser serios", pediu o edil aos socialistas, aos que lembra que o proxecto se explicou na comisión de mobilidade e que forma parte das melloras ofertadas pola empresa que executa a reforma da rúa Virxe do Camiño.
Os traballos en Eduardo Pondal concluirán "nuns quince días", sinalou Gómez, que lembrou que as obras "sempre teñen atrancos" e que os veciños de rúa están a colaborar "extraordinariamente".
Unha vez completados, a rúa recuperará o seu terceiro carril de circulación -que permite o acceso dos vehículos cara a Uxío Novoneyra-.
Isto será posible, dixo, porque se eliminan as prazas de aparcadoiro de carga e descarga que había nesta beirarrúa e os que están situados enfronte pasarán a estar dispostos en liña, en lugar de batería. Este cambio permitirá que haxa espazo para manter os tres carrís.
Relacionadas:
-
A nova praza en Virxe do Camiño recupera o cruceiro que antes se atopaba en Eduardo Pondal
Por Mónica Patxot & Anxo Lourido |
-
Eduardo Pondal recupera os tres carrís de circulación
Por Redacción |
-
O Concello transforma o aparcamento de Uxío Novoneira en servizos
Por Oskar Viéitez |
-
Cidadáns pide que a reforma de Mariscal Pardo de Cela se estenda a toda a rúa
Por Redacción |
-
Os socialistas cren que a obra en Eduardo Pondal vai causar máis problemas que solucións
Por Redacción |