Estudan ampliar a recollida de vidro porta a porta máis alá do centro histórico
Por Alejandro Espiño
A empresa Ferrovial Servicios, responsable da recollida e xestión dos residuos sólidos urbanos en Pontevedra, estuda a instancias do goberno municipal poder ampliar a recollida de vidro porta a porta que, actualmente, limítase ao centro histórico da cidade.
A concelleira Carme da Silva avanzou que este sistema de recollida, do que se benefician principalmente os hostaleiros -os maiores xeradores de residuos de vidro-, podería estenderse a outras zonas da cidade.
Trátase, dixo Da Silva, dun servizo que " mellora moito" o funcionamento das illas de reciclaxe en todo o ámbito urbano, ao quedar os contedores de vidro só para os residuos que xeren os fogares dos pontevedreses.
A ampliación desta recollida de vidro porta a porta podería poñerse en marcha sen necesidade de modificar o actual contrato coa empresa concesionaria.
Ademais, a edil do BNG informou que o ámbito de María Victoria Moreno, Avenida de Vigo e rúa da Estación será o primeiro no que Ferrovial Servicios renovará os contedores de reciclaxe de vidro.
Estes cambios, que a partir de novembro continuará cos contedores de envases e plásticos e papel e cartón, realizaranse principalmente polas noites para reducir as molestias aos cidadáns.
En total, antes de que finalice o ano, renovaranse os contedores das 270 illas de reciclaxe do centro urbano e ampliaranse a 175 as que hai nas parroquias do rural.
Relacionadas:
-
Inician unha campaña informativa sobre recollida selectiva para o comercio e hostalería do centro histórico
Por Redacción |
-
As illas de reciclaxe no rural amplíanse aínda máis e superarán as 210
Por Alejandro Espiño |
-
Continúa o despregue das illas de reciclaxe na cidade
Por Redacción |
-
A cidade estrea os novos contedores de reciclaxe de envases
Por Redacción |
-
Novas armas para os traballadores da limpeza
Por Diego Espiño |
-
Renovarán todas as illas de reciclaxe da cidade e triplicarán as do rural
Por Alejandro Espiño |