A plataforma de Lourizán céntrase de cheo na loita contra a nova depuradora
Por Redacción
Os vecinos de Lourizán mantiveron unha asemblea veciñal este domingo no antigo campo de fútbol, durante a concentración que manteñen semanalmente.
A asemblea decidiu non apoiar como plataforma veciñal a creación dos campos de billarda por parte do Concello nin a pretensión de solicitar a construción dun novo campo de fútbol por parte do San Andrés C.F.
Entre outros asuntos, elixiron novos representantes veciñais, "xa que ata o momento este papel estaba a ser desempeñado polos presidentes das entidades parroquiais". Desta maneira "preténdese darlle maior protagonismo aos veciños", ademais de que o movemento estea representado por persoas que foron elexidas en asemblea.
Por último, tamén decidiron non recibir a visita de máis partidos políticos nas xornadas dos domingos, que están destinadas a facer actividades de reivindicación en contra da ampliación da depuradora por parte dos veciños.
Relacionadas:
-
A división no seo da Plataforma de Lourizán provoca o enfrontamento dos seus integrantes
Por Oskar Viéitez |
-
Os Praceres, convertido nun "camposanto da dignidade" contra a ampliación da depuradora
Por Redacción & Diego Torrado |
-
Lourizán propón dúas "minidepuradoras" para o Porto de Marín e O Campiño
Por Redacción |
-
Pontevedra ve nas críticas á rede de saneamento unha "pataleta" pola negativa a ampliar a EDAR
Por Alejandro Espiño |
-
Temor en Lourizán ante o posible peche do banco marisqueiro
Por Oskar Viéitez |