Convocan a segunda edición do concurso escolar de debuxo e relatos contra a violencia machista
Por Alejandro Espiño
Estudantes de 222 centros de ensino da provincia de Pontevedra poderán participar na segunda edición do concurso de debuxo e relato contra a violencia, que convocou de novo a Subdelegación do Goberno co obxectivo de implicar e concienciar á poboación escolar sobre a lacra da violencia de xénero.
Maica Larriba, subdelegada do Goberno en Pontevedra, explicou que os alumnos de ESO, Bacharelato e FP terán ata o próximo 8 de novembro para presentar os seus traballos.
Haberá, un ano máis, dúas modalidades para que os interesados poidan participar no concurso, debuxo e relato curto.
Con elas, segundo Larriba, búscase "estimular" a creatividade artística dos mozos pontevedreses e "colaborar" coa comunidade educativa, ao entender que é un escenario "idóneo" para traballar cos adolescentes ao redor das violencias machistas.
Os premios, entre eles computadores portátiles, tablets ou cámaras GO Pro, entregaranse nunha gala que se celebrará no auditorio de Afundación en Pontevedra o próximo 23 de novembro.
Ademais, os centros premiados terán a oportunidade de realizar visitas a centros da Universidade de Vigo ou do Instituto Oceanográfico de Vigo e, doutra banda, participar en xornadas de seguridade viaria organizadas pola Dirección Xeral de Tráfico.
Relacionadas:
-
Nas súas mans está un futuro de igualdade
Por Mónica Patxot & Natalia Puga |
-
Oito de cada dez reclusas sufriron violencias machistas
Por Oskar Viéitez |
-
Sete adolescentes de Pontevedra están protexidas por ser vítimas de violencia machista
Por Alejandro Espiño |
-
Sanxenxo orienta as actividades do 25-N cara os centros educativos
Por Redacción |
-
Bueu, en negro contra as violencias machistas
Por Redacción |
-
Os centros educativos de Ponte Caldelas toman parte na loita contra a violencia machista
Por Redacción |
-
"Oxalá puidese concienciar polo menos unha persoa sobre a violencia de xénero"
Por Mónica Patxot & Natalia Puga |