A Xunta somete a información pública o proxecto da senda peonil entre Alba e San Caetano
Por Redacción
A Consellería de Infraestruturas publica este venres no Diario Oficial de Galicia (DOG) o anuncio polo que se somete a información pública o proxecto da senda peonil na estrada PO-225, no treito entre Alba e San Caetano, no Concello de Pontevedra.
O proxecto de construción estará exposto durante trinta días hábiles, contados a partir deste sábado, para que as persoas que o consideren oportuno poidan presentar alegacións á concepción global do trazado deseñado. No seguinte enlace ao DOG pódese ampliar a información deste procedemento: https://bit.ly/2DbPTn1
O proxecto centrarase na construción dunha senda duns 580 metros no treito que conecta os núcleos de Alba e San Caetano, desde o punto quilométrico 0+330 ao 0+910.
Trátase dun itinerario cun ancho variable, en función do espazo dispoñible, e sempre con 1,8 metros de ancho mínimo, separada da calzada naqueles treitos onde existe espazo suficiente, por unha franxa axardinada e o correspondente bordo delimitador.
No núcleo de San Caetano tamén se prevé na marxe dereita da estrada o acondicionamento da fronte da capela e un pequeno tramo de senda.
Esta actuación do goberno galego está incluída no Plan de Sendas na comarca de Pontevedra, cofinanciadas con Fondos FEDER 2014/2020.
O itinerario é complementario á variante de Alba, pois incidirá na mellora da seguridade de veciños e peregrinos, posto que se corresponde cun treito do Camiño Portugués.
Relacionadas:
-
Inician os traballos de construción da senda peonil na PO-225 entre Alba e San Caetano
Por Redacción |
-
Adxudicadas as obras para crear o novo sendeiro peonil entre Alba e San Caetano polo Camiño Portugués
Por Redacción |
-
A Xunta pretende licitar a construción da nova Variante de Alba a comezos de 2020
Por Diego Espiño |
-
As asociacións de Amigos do Camiño estudan co conselleiro de Cultura os obxectivos de cara o Xacobeo 21
Por Redacción |
-
Denuncian danos no Camiño Portugués en Barro
Por Oskar Viéitez |
-
Ultiman o proxecto para mellorar a seguridade dos peregrinos na estrada de Alba
Por Redacción |
-
Trece novas sendas peonís e ciclistas para Poio e Pontevedra
Por Redacción |
-
A Xunta licita a construcción de 13 sendas na comarca de Pontevedra
Por Redacción |