José Ramón Otero, único candidato para liderar a Podemos en Pontevedra
Por Redacción
Un candidato de consenso. É o que Podemos atopou en Pontevedra para liderar a súa estrutura municipal. Trátase de José Ramón Otero que, nos últimos meses, xa actuaba como responsable interino do partido de Pablo Iglesias na cidade.
A súa foi a única candidatura presentada no proceso de primarias que Podemos Galicia abriu para fortalecer a súa presenza local, de cara as eleccións municipais de 2019 e as autonómicas de 2020.
En Sanxenxo, con todo, si parece que haberá votación a condición de que os dous candidatos que optan a liderar o partido no municipio logren os avais necesarios. Trátase de Antonio Manuel Villanueva Area e María del Carmen Camiña Vázquez.
Ambos terán de prazo ata o vindeiro xoves e a elección, mediante voto telemático, realizarase entre o 20 e o 25 deste mes de novembro.
Relacionadas:
-
As primarias de Podemos confirman a José Ramón Otero como candidato á Alcaldía de Pontevedra
Por Natalia Puga |
-
Podemos presentarase ás municipais con forzas "afines" que se queiran "sumar" a eles
Por Alejandro Espiño |
-
Podemos convoca primarias para elixir os seus responsables en Pontevedra e Sanxenxo
Por Redacción |
-
Carolina Bescansa chama á participación nas primarias de Podemos nun encontro con inscritos de Pontevedra
Por Natalia Puga & Mónica Patxot |