Xogos populares e magosto para dinamizar o uso da lingua no CEIP de Ponte Sampaio
Por Redacción
Este venres o alumnado de primaria do CEIP de Ponte Sampaio participaba no evente que todos os anos se celebra con motivo do outono, un magosto con xogos populares. Nesta cita xúntanse as familias, coa presenza de nais, pais, avós e avoas, que acompañan os escolares nas diferentes actividades.
O conserxe do centro encárgase de preparar castañas asadas, mentres que as familias se divirten realizando xogos coa axuda do profesorado de primaria.
Con esta actividade quérese dinamizar o uso da lingua galega na infancia a través do xogo e das iniciativas en equipo, promover as festas populares e poñer en valor a contorna natural.
Ao final, as familias reciben un diploma de colaboración como fórmula de agradecemento.