Aberto o prazo para apuntarse a dous cursos para persoas con perda auditiva, xordeira e xordocegueira
Por Redacción
A Organización de Discapacidade Sensorial de Galicia, Xoga, ofrece dous cursos enfocados á inclusión social e á participación de persoas con diversidade sensorial. Desta forma, porá en marcha dúas iniciativas formativas destinadas a grupos reducidos e serán gratuítas.
Estas dúas propostas están enfocadas a persoas con perda auditiva, xordeira e xordocegueira, co obxectivo de mellorar a súa inclusión e comunicación dentro das actividades da vida cotiá.
O curso ‘Habilidades sociais’, de balde, inicia o vindeiro 28 de novembro, e terá continuidade o 5, 12 e 19 de decembro de 11.30 a 13.00 na Sala Liñares da Casa Azul.
O outro curso, ‘Reciclaxe de Lingua de Signos’, ten previsto o seu inicio o vindeiro 29 de novembro e desenvolverase todos os xoves ata o 28 de
marzo, agás do 6 e 27 de decembro, e 3 e 10 de xaneiro. O horario deste curso é de 9.30 a 11.30 horas. Vai impartirse na Sala Valdecorvos da Casa
Azul.
As persoas interesadas en participar en calquera destas accións formativas pode dirixirse persoalmente á sede de Xoga na Casa Azul, situada na Rúa Sor Lucía, 2, Despacho 55; ou contactar no mail info@organizacionxoga.org ou vía WhatsApp no 698 147 917 .
O prazo de inscrición para ambos os dous cursos remata o 23 de novembro. Admítese un máximo de 10 participantes.