París agarda a Pontevedra, a cidade que describen como lugar onde "o peón é o rei"
Por Alejandro Espiño
A cidade na que "o peón é o rei". Así describen na Universidade da Sorbona a Pontevedra. Alí ofrecerá o alcalde, Miguel Anxo Fernández Lores, unha "clase maxistral" sobre o modelo urbano da Boa Vila, baseado nunha mobilidade amable e na recuperación de espazos públicos para a cidadanía.
Será unha das grandes citas da viaxe institucional que levará a Fernández Lores á capital francesa durante os próximos días.
A conferencia do alcalde pontevedrés será o Instituto de Administración de Empresas de París, unha escola pública de negocios que depende da Universidade da Sorbona, unha das máis prestixiosas do vello continente.
Ademais deste encontro universitario, o alcalde participará na inauguración do Forum Smart City París 2018, un encontro internacional sobre medio ambiente urbano no que Pontevedra disertará sobre a pegada do carbono nas cidades.
As transformacións urbanas son obxecto de análise neste foro e, este ano en concreto, xirará en torno ao cambio climático, debatendo sobre a aplicación de enerxías renovables, a redución das emisións de carbono ou a limitación dos coches nas cidades.
Relacionadas:
-
París quere "sabelo todo" de Pontevedra: "Se podo irei", asegura a alcaldesa
Por Alejandro Espiño |
-
Os ecos de Pontevedra resoan na Sorbona cunha 'masterclass' sobre a cidade
Por Alejandro Espiño |
-
Lores chama en París a combater as "cidades enfermas" co modelo de Pontevedra
Por Alejandro Espiño |
-
Póvoa de Varzim achégase a coñecer a transformación urbana de Pontevedra
Por Redacción |
-
Joan Clos, en Pontevedra: "La gente se vuelve más solidaria y empática si el espacio público está cuidado"
Por Alejandro Espiño & Mónica Patxot |
-
Cathy Tuttle, activista ambiental: "Non teño visto nada igual a Pontevedra en todo o mundo"
Por Alejandro Espiño & Mónica Patxot |