Ence obtén o certificado AENOR de Sistema de Xestión de Compliance Penal
Ence-Enerxía e Celulosa recibiu o certificado AENOR de Compliance Penal conforme á norma UNE 19601:2017, acreditación que recoñece o compromiso da compañía co cumprimento ás normas penais e a prevención de delitos.
Ence é a primeira empresa do seu sector en recibir este recoñecemento de carácter voluntario e revisable cada ano que confirma que a compañía implantou un sistema de xestión para previr a comisión de delitos e reducir o risco penal mediante a prevención, detección e xestión de condutas non acordes cos estándares da empresa.
O certificado, baseado no estándar nacional UNE 19601, considera o establecido na Lei Orgánica 1/2015 de Reforma do Código Penal con respecto aos requisitos dos modelos de prevención de delitos e compleméntaos coas mellores prácticas internacionais establecidas no ámbito da responsabilidade social, compliance e xestión de riscos.
Esta certificación vén confirmar a aposta de Ence polas mellores prácticas de goberno corporativo, a responsabilidade, a transparencia e o compromiso cos seus grupos de interese, e cos máis altos estándares de ética empresarial e a redución do risco penal no exercicio das súas actividades.
Ence sitúase así ao máis alto nivel entre as empresas cotizadas e outras grandes empresas do noso país, cuxa garantía de ética e cumprimento da normativa vixente alcanza niveis de excelencia.