O 'Trasno Fantástico' non logra impedir o acendido da iluminación do Nadal en Sanxenxo
Por Redacción
Sanxenxo xa goza da iluminación e a decoración do Nadal, pese ao esforzo do 'Trasno Fantástico' por impedilo.
O personaxe infantil animou entre os máis pequenos o acto de acendido das luces, que ambientarán as festas no municipio ata o próximo 7 de xaneiro.
Nesta ocasión o goberno local destinou 83.000 euros á iluminación das rúas, aumentando considerablemente a partida do pasado ano, instalándose ata 335 motivos do Nadal ao longo das sete parroquias.
Entre as zonas que pasaron a contar con luces atópanse por exemplo as estradas EP-9213 (Dorrón), EP-9202 (Bordóns), PO-308 e PO-504.
Durante todas as festas as luces permanecerán acendidas entre as 18:00 e as 2:00 horas.