Última oportunidade para crear parques forestais nos montes da provincia
Por Redacción
A Deputación de Pontevedra vén de aprobar este luns en Xunta de Goberno a súa terceira e última convocatoria para crear parques forestais nos montes da provincia.
O vicepresidente César Mosquera explicou que a partida económica para axudar aos concellos ascende a 800.000 euros co fin de mellorar e poñer en valor terreos forestais que hoxe presentan grande deterioro debido ao seu estado de abandono, contaminación ou perda dos valores naturais e culturais, e que supoñen condicións ideais para as vagas de lumes.
Segundo explicou Mosquera esta derradeira convocatoria responde ao interese mostrado por diferentes concellos que teñen a vista posta na recuperación do monte dunha maneira sustentable e están a traballar tanto na redacción de proxectos como na execución dos que xa teñen redactados.
As bases da nova liña de axudas sairán publicadas no Boletín da Provincia a finais da vindeira semana e abrirase un prazo amplo para presentar as solicitudes e os informes sectoriais necesarios.
Relacionadas:
-
A Deputación impulsa o parque forestal de Antas
Por Redacción |
-
O primeiro Parque Forestal do Castrove contará cuns 30 quilómetros de sendas
Por Oskar Viéitez |
-
Ponte Caldelas deseña o seu primeiro parque forestal
Por Redacción |
-
Marín contrata a redacción do proxecto do parque forestal de Lagocheiras
Por Oskar Viéitez |
-
A Deputación aproba axudas para crear novos parques forestais
Por Oskar Viéitez |
-
A Deputación reedita o seu plan para abrir os montes ao público
Por Oskar Viéitez |
-
Cerdedo-Cotobade deseña dous parques forestais para Tomonde e Coirego
Por Redacción |
-
A Deputación concederá unha axuda para crear o parque forestal Miradoiro de Cotorredondo
Por Redacción |