Cadeliños denuncia o roubo de dous dos seus talonarios da lotería de Nadal
Por Redacción
A Asociación de Rescate Animal Cadeliños denunciou o roubo de dous talonarios da lotería especial de Nadal.
Este feito, denunciado ante a Policía Nacional, afecta a 96 participacións do número 10501 que xoga Cadeliños, as comprendidas entre os números 655 ao 700 e do 1201 ao 1250.
Para evitar que estas participacións sexan adquiridas, a asociación pediu ás persoas interesadas en xogar co seu número da lotería que compren as participacións só nalgún dos locais colaboradores da asociación ou no mercadillo solidario que se organizará o próximo día 15 de decembro na Praza da Peregrina.
Os locais que colaboran na venda de lotería de Cadeliños son Taller de Reparación de calzado y Cerrajería "O Remendeiro" (Pontevedra), GF Peluqueros (Pontevedra), Clínica Veterinaria Anida (Bértola), Clínica Veterinaria Cevac (A Caeira), Pavero Bar (Pontevedra), Getting Jiggy Dance Studio (Pontevedra), Alimentación Pereira (Pontevedra), Peluquería Juancar (Pontevedra), Ares Papelería (Pontevedra), Bar Plaza - La cocina de Sergio (Barro), Nutrición deportiva Miguel Bravo (Vigo), Fisioterapia Corporis (Vigo), Bambú Tapería Vegana (Vigo) e Peluquería canina Monterrey (Vigo).
A recadación íntegra conseguida a través da venda de participacións de lotería, sinalan, será destinada integramente ás actividades organizadas pola asociación, como o rescate de animais abandonados e a procura de familias de adopción.