Activistas tentan obstaculizar o campionato provincial de caza de raposos
Por Diego Espiño
A súa celebración estaba envolvida de polémica desde hai días, e este sábado, na data escollida para o seu desenvolvemento, non ía ser menos.
Activistas de diversos colectivos animalistas e ecoloxistas tentaron obstaculizar o campionato provincial de caza de raposos nos montes de Cerdedo-Cotobade.
Segundo sinalou o partido PACMA, á primeira hora do día "os activistas conseguiron escorrentar aos raposos coas súas bucinas e evitado que calquera animal sexa cribado polas balas dos cazadores". Ademais compartiron varios vídeos da protesta.
Las bocinas de los activistas siguen silenciando los disparos de los cazadores en Galicia. #YoNoDisparo pic.twitter.com/TxjahEhQtD
— PACMA (@PartidoPACMA) 12 de enero de 2019
Trátase dunha actividade, o XXVI Campionato Provincial de Raposo de Pontevedra, envolvido en polémica desde o seu anuncio, con críticas entre outros do deputado do BNG Luís Bará ou do colectivo Adega. Ademais a Asociación Animalista Libera e a Fundación Franz Weber dirixiron un escrito á Subdelegación do Goberno pedindo que se garantise a seguridade e integridade das persoas que queiran participar de protestas.
O campionato de caza está organizado pola Federación Galega de Caza e conta coa colaboración de Xunta, Concello de Cerdedo-Cotobade, a empresa Ence e as sociedades de caza de Cerdedo, Cotobade e Coirego.
Relacionadas:
-
Os animalistas propoñen declarar Pontevedra como municipio "libre de caza"
Por Oskar Viéitez |
-
Cruzamento de denuncias entre cazadores e activistas tras o campionato provincial de caza de raposo
Por Diego Espiño |
-
Piden á Subdelegación que garanta a seguridade das protestas para impedir o campionato de caza do raposo
Por Oskar Viéitez |
-
Adega pide á Xunta a paralización do campionato de caza de raposo do 12 de xaneiro en Cerdedo-Cotobade
Por Redacción |
-
Polémica pola organización dun campionato de caza de raposos en montes de Cerdedo-Cotobade
Por Oskar Viéitez |