Rafa Domínguez reclama a reactivación do proxecto de dragaxe do río Lérez
Por Redacción
O portavoz do Partido Popular de Pontevedra, Rafa Domínguez, solicitou a reactivación "inmediata" do proxecto de dragaxe do río Lérez, unha actuación que Portos de Galicia deixou en suspenso condicionándoa a que se logre un consenso co sector marisqueiro.
"É urxente tanto para o sector do mar como para o turístico", asegura Domínguez.
O edil e candidato popular móstrase "convencido de que se pode atopar o modo de que este proxecto salga adiante" cunha solución pactada co sector do mar da ría de Pontevedra, tanto cos depósitos do fondo da ría como cos bateeiros e navalleiros.
"Sen calado, o Lérez e a súa desembocadura non están a explotar todo o seu potencial. Hai que tratar de sumar, redobrar os esforzos e non deixar este proxecto no dique seco", argumenta Rafa Domínguez.
Na súa explicación o representante do PP engade que a dragaxe permitiría mellorar o calado para os barcos recreativos, con beneficio en termos turísticos, e tamén rexenerar algúns bancos marisqueiros que non están a ser aproveitados.
Relacionadas:
-
O PSOE denuncia a demora da dragaxe do Lérez e urxe medidas á Xunta e o Concello
Por Redacción |
-
O PP fíxase como obxectivo conseguir que a ría "sexa atractiva" para veciños, comerciantes e turistas
Por Redacción |
-
O PP lembra á Consellería do Mar que urxe a dragaxe do río Lérez
Por Redacción |
-
O BNG reclama a dragaxe do Lérez que Portos supedita ao consenso
Por Oskar Viéitez |
-
As confrarías da ría agardan coñecer os resultados dun proxecto experimental de dragaxe autónoma
Por Oskar Viéitez |
-
A Xunta busca o consenso co sector marisqueiro para levar adiante a dragaxe do Lérez
Por Redacción | Creada e actualizada