Aprobadas nove expropiacións para eliminar un tramo perigoso da PO-308 en Sanxenxo
Por Redacción
O Consello da Xunta autorizaba este xoves as expropiacións para acometer a mellora da seguridade viaria na estrada PO-308, un tramo situado entre o Miradoiro da Granxa e o acceso a Nanín, no municipio de Sanxenxo.
Trátase de 9 terreos necesarios para levar a cabo esta mellora en que a Xunta prevé investir 530.000 euros. Esta zona é un punto de concentración de accidentes e se inclúe dentro da iniciativa do goberno autonómico para eliminar os "puntos negros" na rede de estradas.
As actuacións previstas van centrarse na construción dunha rotonda na intersección coa estrada provincial de acceso á praia de Areas. A intervención anterior en que se creou un cambio de sentido con carril central de espera que non lograba eliminar os accidentes neste tramo.
Ademais está previsto renovar o firme e vai reforzarse a sinalización e os sistemas de contención na zona da curva dos Cotos. Tamén queren ampliar a plataforma da estrada para mellorar as paradas de autobús e desta forma, evitar que cando os buses cheguen a unha parada interfiran no tráfico.
As beirarrúas van adaptarse á normativa de accesibilidade e está previsto reforzar a sinalización de limitación da velocidade e nos pasos de peóns.
Ao tratarse dun tramo considerado ruta ciclista protexida pola Dirección Xeral de Tráfico e atendendo ás peticións por parte das asociacións de ciclistas van sinalizar a presenza de usuarios de bicicleta e tamén se ampliarán as beirarrúas nos cruces.
Dentro deste plan, tamén están previstas obras similares entre O Covelo e o Miradoiro da Granxa entre os Concellos de Poio e Sanxenxo.
Relacionadas:
-
A PO-308 entre O Covelo e A Granxa é agora unha estrada "moito máis funcional, humana e segura", segundo a Xunta
Por Redacción |
-
420.000 euros para a mellora da estrada PO-308, entre o miradoiro da Granxa e o acceso a Nanín
Por Redacción |
-
Empezan as expropiacións para a reforma da PO-308 entre o Miradoiro da Granxa e o acceso a Nanín
Por Redacción |
-
Adxudican por 1,2 millóns de euros a mellora da seguridade viaria noutro tramo da PO-308
Por Redacción |
-
A Xunta convoca aos afectados polas obras na PO-308 para o levantamento de actas previas
Por Redacción |
-
A Xunta licita as obras PO-308 entre o peirao do Covelo e o miradoiro da Granxa
Por Oskar Viéitez |