Gloria Blanco, Iván Puentes e Paloma Castro escoltan a Tino Fernández á fronte da lista do PSOE
Por Alejandro Espiño
O PSOE converteuse no primeiro partido que, na cidade de Pontevedra, pecha a súa candidatura para as eleccións municipais de maio.
Tras a votación da asemblea local, mediante o sistema de listas abertas, os socialistas deron forma a una candidatura que, segundo o seu líder, Tino Fernández, é "progresista, moi nova, paritaria, feminista e comprometida".
A activista LGTBI Ada Otero (6), o presidente dos comuneiros e da comunidade veciñal de Verducido, Marcos Rey (5), e o histórico dirixente veciñal Ángel Mario Lago (9) son as principais novidades dunha candidatura na que repetirán os concelleiros Iván Puentes (3) e Paloma Castro (4). Como número 2 irá Gloria Blanco, actual responsable de comunicación.
A responsable de Movementos Sociais da executiva, Eugenia Jorge Marinero, pecha a lista dos dez primeiros postos, mentres que o vicesecretario xeral da agrupación municipal, Guillermo 'Yeyo' Pérez Agulla e a dirixente veciñal Arancha Fernández ocuparán os números 7 e 8 da candidatura, respectivamente.
O representante do persoal non docente na UNED, Rafael Cotelo, a dirixente veciñal Carmen Alfonso, o funcionario municipal Héctor Santaló, a avogada Marica Adrio, Jesús Cancela, a responsable de Política Social Teresa Rodríguez, o enxeñeiro químico Roberto Taboada ou o secretario xeral das Xuventudes Socialistas, Santi Abal (21), tamén irán na candidatura.
Completan a lista Rocío Carrera, veciña de Eduardo Pondal, a docente Pilar García Pinal, a procuradora Cristina del Río, Christian Fernández e Jesús Fernández, veciños de Lourizán e Monte Porreiro; ou os veteranos militantes Maruja Serafín e Benito Gama, presidente do partido en Pontevedra.
Relacionadas:
-
Gloria Blanco e Pepa Pardo, socias na avogacía e 'enemigas íntimas' na política
Por Alejandro Espiño & Mónica Patxot |
-
O PSOE pide máis limpeza en Eduardo Pondal e propón parques caninos e unha zona infantil de xogos
Por Redacción |
-
Guillermo Meijón e Marica Adrio, propostas do PSOE de Pontevedra para Congreso e Senado
Por Redacción |
-
O histórico dirixente veciñal Ángel Mario Lago irá na lista do PSOE ás municipais
Por Redacción |
-
Ada Otero, a primeira candidata transexual ás municipais, pon xa un acento reivindicativo no 8M
Por Mónica Patxot & Marisa Ciordia |
-
Os socialistas propoñen crear un parque para practicar calistenia e 'street-workout' en Pontevedra
Por Redacción |