Un preacordo suspende a folga de ambulancias
Por Redacción
Tras sete horas de reunión os sindicatos CIG, UXT e CC.OO. e a Federación Galega de Empresarios das Ambulancias alcanzaron un preacordo que pon fin ao conflito laboral no sector e ofrece un horizonte de convenio renovado con vixencia ata 2022.
Entre os compromisos asinados coa mediación do Consello Galego de Relacións Laborais na madrugada deste martes figura unha subida gradual e acumulada do 12,5% repartida en catro anos e unha terceira paga extra.
Os paros quedan en suspenso á espera de que as asembleas de traballadores ratifiquen este mércores o texto e desconvoquen de maneira oficial a folga.
Se a resposta é positiva as partes volverán reunirse o día 25 para asinar o novo convenio colectivo para o sector.
Relacionadas:
-
Considéranse "estafados" polas bases do concurso de ambulancias ao entender que mantén os problemas do servizo
Por Nacho Fuentes & Anxo Lourido |
-
O comité de folga das ambulancias prepara outra semana de paro se non se acada un acordo o 28 de febreiro
Por Redacción |
-
Denuncian sabotaxes en ambulancias do 061 en Montecelo na primeira xornada de folga no sector
Por Redacción |
-
Convocada folga de ambulancias a partir do 8 de febreiro
Por Oskar Viéitez & Mónica Patxot |