A memoria de Nahír, a nena con parálise cerebral, marca novas campañas de recollida de tapóns
Por Almu Dapena
Un ano despois do falecemento de Nahír Jiménez, a nena con parálise cerebral infantil 'que co seu sorriso conquistou ao mundo', a Fundación Amigos de Galicia lembra que continúa a recollida de tapóns en toda Galicia para outros menores con problemas similares aos da pequena, como é o caso de Jonatan Viver, un neno de 12 anos de Santiago de Compostela con Síndrome de Hunter, enfermidade dexenerativa que afecta a 50 nenos en España. Desde este colectivo lembran que sen a colaboración cidadá, estas campañas non se poderían levar a cabo.
O obxectivo destas recollidas é poder pagar os tratamentos dos nenos que teñen 'enfermidades raras' e tentar achegar máis recursos para normalizar a súa vida e que non lles falten medios.
A nai de Nahír explicou durante a homenaxe realizada durante a mañá deste xoves na Casa Azul, que "necesitamos que se mejore la calidad de vida de estos niños y que tengan un futuro mejor" porque "tenemos que ir a lo privado y es triste decirlo".
Jesús Busto, director xeral da entidade, reclamou para estes nenos e nenas que "las administraciones se hagan cargo de esos gastos" e así poidan cubrir as súas necesidades básicas.
Ademais da recollida de tapóns solidarios, esta asociación impulsa o proxecto 'Sensibilización en centros escolares de toda Galicia sobre a importancia do voluntariado' co obxectivo de concienciar aos menores sobre a importancia de valores como a igualdade, o compromiso, o altruísmo ou o valor da solidariedade.
Para máis información sobre os puntos de recollida de tapóns, consultar a páxina web da Fundación Amigos de Galicia.
Relacionadas:
-
Cando a ter unha enfermidade rara se suma a incerteza e a peregrinaxe en busca dun diagnóstico
Por Natalia Puga |
-
Os tapóns que converten aos nenos en superheroes
Por Alejandro Espiño |
-
Cidadáns pide a adquisición do robot terapéutico Lokomat para o Complexo Hospitalario de Pontevedra
Por Redacción |
-
Falece a nena Nahir: "Su corazón se apagó, pero no su sonrisa"
Por Redacción | Creada e actualizada