As obras de construción do campo de fútbol de herba sintética de Ponte Sampaio continúan tras o parón
Por Anxo Lourido
Creada e actualizada
Creada e actualizada
Operarios da Unión Temporal de Empresas E. C. Casas- Imesapi trasladaron todo o material para retomar as obras de acondicionamento do campo de fútbol de herba sintética que se constrúe na parroquia de Ponte Sampaio. En febreiro a empresa Ediserpo renunciaba ao proxecto, que agora a unión temporal de empresas continuará desde o punto en que quedaba paralizado.
Este xoves Demetrio Gómez, concelleiro de Obras, confirmaba o inicio das obras, que se comezaban a acometer pasado o mediodía coa utilización de maquinaria.
O proxecto fora adxudicado por 1.163.536 euros e supón tamén a instalación dos vestiarios e da cantina, de baños públicos e dunha zona de almacéns. Tamén está previsto a derriba do anterior campo de fútbol.
O terreo de xogo novo ocupa unha parcela de 11.000 metros cadrados cunhas instalacións nas que se poderán xogar simultaneamente dous partidos de fútbol 8.
As obras iniciáronse en agosto de 2018 cun prazo de execución de seis meses. O novo equipamento permitirá ampliar tanto a zona de praia do río Verdugo como o espazo de lecer e a zona de aparcadoiro.
Relacionadas:
-
A Asociación de Festas Virxe do Carme de Ponte Sampaio rexeita o derrubamento inmediato do palco da música
Por Redacción |
-
Novo atraso na construción do campo de fútbol de Ponte Sampaio
Por Anxo Lourido |
-
Catro meses máis para rematar o campo de herba sintética de Ponte Sampaio
Por Redacción |
-
Ediserpo renuncia a tres obras, entre elas o campo de fútbol de Ponte Sampaio
Por Alejandro Espiño |
-
Ediserpo ten de prazo dúas semanas para retomar as obras do campo de fútbol de Ponte Sampaio
Por Alejandro Espiño |