Asinado o convenio polo que a Deputación pagará o acondicionamento do local municipal en Ferreiros
Por Redacción
Ante a imposibilidade de cadrar as axendas institucionais de Carmela Silva e Miguel Anxo Fernández Lores, o Concello de Pontevedra e a Deputación asinaron de xeito privado o convenio polo que o goberno provincial pagará o acondicionamento do novo local municipal na rúa dos Ferreiros.
En virtude do acordo, a Deputación achegará a cantidade íntegra para remodelar o local, un total de 1.246.953,40 euros, e o Concello será o encargado da adxudicación da obra, que executará a UTE Prace-San Emeterio.
As novas dependencias municipais na rúa dos Ferreiros teñen unha superficie de 1.328 metros cadrados divididos en dúas plantas: unha de 600 metros cadrados e outra de 728 metros cadrados.
Acollerán a 70 funcionarios das áreas de Urbanismo (disciplina urbanística, medio ambiente e policía administrativa, oficina técnica de licenzas e inspección, oficina técnica de rehabilitación, servizo de urbanismo, planeamento e patrimonio) e Tesourería (tesourería, xestión tributaria, contratación tributaria, tributos e inspección).
A remodelación inclúe todos os servizos, domótica, videovixilancia, mobles ou arquivos, así como unha reforma interior pensada para aforrar ata un 50% dos consumos de enerxía habituais nas oficinas deste tipo. De feito, instálase unha celosía de madeira exterior que poida servir para refrescar as oficinas no verán ou manter o calor no inverno.
Ademais, adoptaranse estratexias do que se vén en chamar arquitectura pasiva para conseguir unha cualificación enerxética de proxecto tipo "A", a mellor das posibles.
Relacionadas:
-
Denuncian o Concello no xulgado polos danos causados polas obras do local de Ferreiros
Por Oskar Viéitez |
-
A Deputación seguirá a financiar "proxectos maduros" de Pontevedra con máis de 10 millóns de euros
Por Cristina Saiz & Anxo Lourido |
-
Empezan as obras para acondicionar as novas dependencias municipais da rúa Ferreiros
Por Natalia Puga |
-
Este mes comezarán as obras de acondicionamento das novas oficinas municipais en Ferreiros
Por Redacción |
-
A empresa que acondicione a sede municipal de Ferreiros terá cinco meses para facelo
Por Alejandro Espiño |
-
A reforma do local de Ferreiros sairá a licitación antes do remate do ano
Por Redacción |