O ceo respecta e a Semana Santa continúa coa procesión do Cristo das Caídas
Por Redacción & Diego Torrado
As previsións meteorolóxicas non eran boas, pero o ceo respectou e a Semana Santa Pontevedra puido levar a cabo os actos programados para o luns sen maior complicación.
Iso permitiu á Confraría da Vera Cruz ser a protagonista coa procesión do Cristo das Caídas, acompañada de representacións do resto de confrarías.
A marcha foi posible grazas á cesión da imaxe do nazareno por parte do Convento de San Francisco de Cambados, tendo en conta que ata agora utilizaban a de Santa Clara, en Pontevedra, pechada na actualidade.
A procesión, que representa as tres caídas que sofre Xesucristo no seu camiño cara ao Calvario, saíu desde a igrexa de San Bartolomé para percorrer as rúas Sarmiento, Pasantería, Paseo Antonio Odriozola, Ferrería, Soportais, Manuel Quiroga, Don Filiberto, Tetúan, Dona Teresa, Rúa Alta, Isabel II, Praza Méndez Núñez e Sarmiento.
Os actos de Semana Santa en Pontevedra terán continuidade este martes 16 de abril coa Procesión de Jesús Nazareno e María Santísima da Esperanza, da Confraría do noso Pai Jesús do Silencio con acompañamento da Confraría da Maior Dor, con saída ás 21:00 horas desde a igrexa de San Bartolomé.
Relacionadas:
-
A procesión dos Pasos sae a pesar da choiva, pero acurta o percorrido
Por Redacción & Diego Torrado |
-
A chuvia obriga a suspender a procesión da Virxe da Soedade e da Cruz ao Lombo
Por Redacción |
-
A procesión do Nazareno e a Esperanza, un clásico da Semana Santa pontevedresa
Por Redacción & Mónica Patxot |
-
Concorrida procesión da 'Burriña' na primeira gran xornada da Semana Santa
Por Diego Espiño & Diego Torrado |