A chuvia obriga a suspender a procesión da Virxe da Soedade e da Cruz ao Lombo
Por Redacción
A Confraría da nosa Nai da Maior Dor finalmente viuse obrigada a suspender a procesión prevista para este Mércores Santo dentro das actividades organizadas pola Xunta Coordinadora da Semana Santa pontevedresa. As previsións de Meteogalicia xa anunciaban para esta xornada precipitacións abundantes tanto durante a tarde como ao longo da noite.
Desta forma, Ramón Péon, coordinador da Semana Santa en Pontevedra anunciaba a decisión xa que a choiva podería danar as imaxes que estaba previsto que saísen ás 21.00 horas nesta procesión da Santísima Virxe da Soidade e do Xesús Nazareno coa Cruz ao lombo.
A Coordinadora da Semana Santa mantivo a convocatoria da procesión ata poucos minutos antes das 21.00 horas, hora prevista para a saída da procesión, pero finalmente tomouse a decisión de suspendela.
Tamén o servizo do 112 Galicia alerta desta situación con precipitacións en toda Gaicia e reclama que se extremen as precaucións á hora de coller o volante ao longo das próximas horas.
As previsións tampouco son optimistas para este Xoves Santo. Meteogalicia anuncia chuvascos de carácter tomentoso na contorna das Rías Baixas, máis probables e xeneralizados durante a tarde. Esta situación fará perigar a celebración da sempre concorrida Procesión dos Pasos. Está previsto, se o tempo o permite, que parta ás 20.00 horas da Basílica de Santa María e participarán as confrarías da nosa Nai da Maior Dor, a da nosa Señora do Amor Fermoso, a do Silencio, a do Corpo Santo, a Confraría do Espírito Santo, a do noso Pai Jesús coa Cruz ao lombo e a da Vera-Cruz e Misericordia.
PontevedraViva manterá informados puntualmente aos seus lectores no caso de que a organización decida suspender este acto relixioso con percorrido polo centro histórico.
Relacionadas:
-
Sete confrarías acompañan a procesión do Santo Enterro
Por Diego Torrado & Redacción |
-
A procesión dos Pasos sae a pesar da choiva, pero acurta o percorrido
Por Redacción & Diego Torrado |
-
A procesión do Nazareno e a Esperanza, un clásico da Semana Santa pontevedresa
Por Redacción & Mónica Patxot |
-
O ceo respecta e a Semana Santa continúa coa procesión do Cristo das Caídas
Por Redacción & Diego Torrado |
-
A Semana Santa, a paso de click
Por Natalia Puga & Mónica Patxot |
-
En perigo as procesións de Semana Santa polas altas probabilidades de chuvia
Por Olaya Madrigal & Nacho Fuentes |
-
Concorrida procesión da 'Burriña' na primeira gran xornada da Semana Santa
Por Diego Espiño & Diego Torrado |