Sanxenxo contempla unha nova variante norte para desconxestionar a rúa Progreso
Por Oskar Viéitez
O Concello de Sanxenxo presentou este martes o documento final do plan de mobilidade urbana sostible do municipio.
En liñas xerais, o plan propón protexer as áreas urbanas e os núcleos rurais máis sensibles, dar prioridade nos desprazamentos a peóns e ciclistas e fomentar o uso do trasporte público.
Algunhas das medidas propostas son de aplicación máis sinxela e rápida e outras contemplan actuacións cunha infraestrutura e investimento maiores.
Os principais proxectos estratéxicos contemplados son a Variante Norte de Sanxenxo para eliminar tráfico da rúa Progreso; novas conexións; os "eixos cívicos" rúa Madrid-Silgar, Portonovo e travesía de Vilalonga; aparcamentos turísticos de longa duración e disuasorios; unha zona de baixas emisións de Portonovo e finalmente os camiños escolares.
O prazo total de aplicación deste plan estímase para un horizonte temporal de dez anos.
En canto ás principais demandas recollidas pola empresa redactora nas diferentes reunións, atópanse a necesidade de acometer melloras de accesibilidade na estrada de Soutullo, para comunicar o núcleo coa zona litoral. Tamén a necesidade de mellorar a accesibilidade nas zonas das praias da Revolta - Montalvo, na zona de Major, e a conectividade dos núcleos do interior coa zona litoral (Sanxenxo - Portonovo) e Vilalonga.
Ademáis sinalan a demanda dun mantemento e da difusión das rutas de sendeirismo existentes e a falta de conexións peonís axeitadas en Bordóns, Dorrón, Nantes e Vilalonga.
Relacionadas:
-
A rúa Progreso abre ao tráfico nos seus dous sentidos
Por Redacción |
-
A reforma da rúa Progreso completarase tras o verán coas novas glorietas
Por Redacción |
-
Cortan durante oito días un tramo da Rúa Progreso
Por Oskar Viéitez |
-
A veciñanza fai as súas achegas ao Plan de Mobilidade Urbana de Sanxenxo
Por |
-
Sanxenxo abre un período de consultas de dous meses para consensuar o plan de mobilidade
Por Redacción |