Ernesto Filgueira presume de presentar unha candidatura de "persoas honestas, humildes e responsables"
Por Redacción
Ernesto Filgueira presentaba no Multiusos de Carballedo á lista que o acompañará nestas eleccións municipais co obxectivo de que o BNG acade a alcaldía de Cerdedo-Cotobade. Rocío Graña e Anxo Santomé ocuparán o segundo e terceiro posto da lista presentada polos nacionalistas.
O candidato do BNG estivo acompañado pola concelleira da corporación pontevedresa Anabel Gulías e polo alcalde das Neves, Xosé Manuel Rodríguez. Ademais, déronse cita numerosas persoas para coñecer o equipo que o BNG presentará nestes comicios.
Rocío Grña incidiu na necesidade de traballar por uns servizos sanitarios dignos para o municipio. Denunciou a carencia de persoal nos centros de saúde e a falta de pediatras e dunha ambulancia asistencial para o Punto de Atención Continuada de Cerdedo.
Pola súa parte, Ernesto Filgueira sinalou que é necesario fomentar o emprego, asentar á xuventud no Concello e crear actividades para as persoas de idade máis avanzada. Lamentou as desigualdades do goberno do popular Jorge Cubela e prometeu priorizar a equidade das taxas municipais entre Cerdedo e Cotobade. O candidato, durante esta presentación, apostou por rematar o saneamento, axudar os autónomos e pequenos comerciantes, ademais de fomentar a restauración de casas e potenciar o turismo.
Filgueira presentou un a un os integrantes da lista para destacar que se trata de persoas "honestas, humildes e responsables".
Relacionadas:
-
O BNG Cerdedo-Cotobade reármase para "presentar nas vindeiras municipais un proxecto gañador"
Por Redacción |
-
O novo centro de saúde de Carballedo encabeza as emendas do BNG aos orzamentos da Xunta
Por Redacción |
-
Ernesto Filgueira presenta a lista electoral do BNG na carreira pola Alcaldía de Cerdedo-Cotobade
Por Redacción |
-
Ernesto Filgueira, un "líder" co que o BNG busca recuperar presenza en Cotobade
Por Alejandro Espiño |