Pontenciencia 2019 sacará á luz 47 proxectos de investigación elaborados durante este curso
Por Redacción
Todo está xa en marcha para que o 31 de maio comece unha nova edición de Pontenciencia, a VI Feira da Miniciencia, que se celebrará na Escola Superior de Enxeñería Forestal do campus universitario durante dúas xornadas.
Trátase dunha iniciativa que promove o pensamento investigador entre a mocidade ao longo do curso. O Concello, a Universidade de Vigo, a FANPA e varias empresas pioneiras de Pontevedra apoian esta cita de carácter científico.
Nesta proposta establécense certames para presentar proxectos de investigación en varias categorías: Ciencia no cole, en familia, destinados a escolares de primaria; e de homenaxe á muller investigadora, dirixidos a alumnado de ESO, Bacharelato e Formación Profesional. En total presentáronse 47 iniciativas.
Nesta ocasión participan 9 colexios con 250 participantes, 9 familias e se presentaron 20 proxectos a cargo de estudantes de ensinanzas secundarias.
Entre as investigacións máis chamativas destacan a establecida sobre a tensión superficial nos líquidos, a enerxía das froitas, a presenza de avespas velutinas ou as análises sobre a necesidade de antical para as lavadoras en Galicia ou se o leite cambia de cor segundo a alimentación das vacas.
Os estudantes de secundaria tamén investigaron ao longo deste curso sobre temas tan interesantes como, entre outros, a contaminación acústica na aula, a velocidade das mensaxes en distintas aplicacións móbiles ou as burbullas platónicas.
Relacionadas:
-
Arranca a VII edición de Pontenciencia coa participación de trece colexios
Por Boris Rodríguez Pintos |
-
Experimentar coas propias mans para descubrir os segredos da ciencia
Por Mónica Patxot & Anxo Lourido |
-
Os mellores proxectos científicos de Secundaria e FP poderán verse en Forestais a finais de maio
Por Almu Dapena |