A xuíza cita como investigado a Gonzalo Durán por chamar "chacha para todo" a Carmela Silva
Por Oskar Viéitez
Un auto emitido pola maxistrada Rosa García, titular do xulgado de instrución número 3 de Pontevedra acorda citar en calidade de investigado ao alcalde de Vilanova de Arousa e candidato á reelección polo Partido Popular, Gonzalo Durán.
O controvertido rexedor popular chamou á presidenta da Deputación de Pontevedra, Carmela Silva, "chacha para todo" ao servizo do "anciano alcalde de Vigo". Aquelas declaracións foron respondidas cunha denuncia por incitación ao odio por parte da institución provincial.
A querela foi admitida a trámite e durante o proceso de dilixencias previas o alcalde interpuxo un recurso de reforma que foi admitido, á vez que se lle cita como investigado (antes imputado).
Por tanto Gonzalo Durán, que aspira a conseguir o seu sétimo mandato consecutivo, deberá comparecer asistido de letrado o próximo día 25 de xuño ante este xulgado por un delito, polo momento, "sin especificar".
Non é o único caso que enfronta nos tribunais ao alcalde de Vilanova de Arousa e á institución provincial. Gonzalo Durán tamén recorreu a sentenza xudicial que culpa ao seu concello de fraude de lei respecto a a solicitude dunha axuda á Deputación de Pontevedra para financiar o proxecto do centro de talasoterapia.
A mesma sorte correron outros rexedores populares cuxas demandas tamén foron desestimadas pola Xustiza, como é o caso do alcalde de Sanxenxo Telmo Martín e máis recentemente a apelación interposta polo Concello de Valga.
Relacionadas:
-
Condenado o alcalde de Vilanova por chamar "chacha para todo" á presidenta da Deputación
Por Oskar Viéitez |
-
O alcalde de Vilanova chama "presunta delincuenta" a Carmela Silva e a denunciará pola paralización de varios proxectos
Por Oskar Viéitez |
-
O xulgado ordena continuar a causa contra o alcalde de Vilanova por llamar "chacha para todo" a Carmela Silva
Por Oskar Viéitez |
-
Gonzalo Durán reafírmase en chamar "chacha para todo" a Carmela Silva por facer o "traballo sucio" a Abel Caballero
Por Natalia Puga & Mónica Patxot |
-
Dura sentenza contra o Concello de Vilanova pola súa denuncia contra o Plan de Reequilibrio
Por Oskar Viéitez |
-
Gonzalo Durán non se arrepinte de chamar "chacha para todo" a Silva e demanda á Deputación por "malversación"
Por Redacción |
-
Núñez Feijóo ve "desacertado" ter chamado "chacha para todo" a Carmela Silva
Por Alejandro Espiño |
-
O goberno da Deputación demanda a Gonzalo Durán por incitación ao odio e pide a súa dimisión como alcalde
Por Anxo Lourido |
-
VÍDEO.- Piden a dimisión do alcalde de Vilanova tras chamar "chacha para todo" á presidenta da Deputación
Por Diego Espiño |